وارلیق درگیسی، 2014-1979 (1393-1358) ایللری آراسیندا تهران‌دا پروفسور دوکتور جواد هیئت‌ین و یای 2015 (1394) تاریخیندن اعتباراً آنکارادا محمدرضا هیئت‌ین ادیتورلوغوندا یایینلانان دیل، ادبیات و کولتور درگیسی‌دیر. درگی؛ یاز، یای، گوز و قیش ساییلاری اولماق اوزره ایلده 4 کز یاییملانیر.
درگی‌نین فعالیت آلانی باشدا ایران و آذربایجان ساحه‌لری اولماق اوزره تورک دیلی، ادبیاتی، تاریخی و کولتورونو اینجه‌له‌مک؛ تورکلرین مادی و معنوی میراثینی اوزه چیخاریب، تانیتماق، ایران‌دا تورکجه‌نین قورونماسی، گلیشمه‌سی و استانداردلاشماسینا یاردیمجی اولماقدیر.
وارلیق درگیسینین اساس یایین دیلی تورکجه‌دیر. آنجاق درگیده فارسجا، یئری گلدیگینده اینگیلیزجه و روسجا بیلیمسل یازیلارا دا یئر وئریلمکده‌دیر.
زامانلا بیر مکتب حالینا گلن و «وارلیق مکتبی» اولاراق اون قازانان وارلیق درگیسی، بیلیمسل‌لیگی اساس آلماقلا بیرلیکده، آنا دیلینده اگیتیم حاقیندان محروم اولان ایران تورکلری‌نین بیلینچلنمه‌سینی ده اؤزونه آماج ائدینمیشدیر.