گنل

درگی‌نین آماجی تورکلوک بیلیمی ایله ایلگیلی آراشد‌یرمالاری، اؤزللیکله ایران- آذربایجان تورک کولتورونه ایلیشکین علمی دگرلندیرمه‌لری و تورکولوژی ایله ایلگیلی یئنی یایینلارین تانیتیملارینی یایینلاماق، اوزون ایللر آنا دیلینده اگیتیمدن محروم قالان دیلداشلاریمیزین میلFی بیلینجی‌نین گلیشمه‌سینه؛ دیلینی، ادبیاتینی و کولتورونو دوغرو قایناقلاردان اؤیرنمه‌سینه یاردیمجی اولماقدیر. درگی زامان زامان بعضی مؤضوعلارا آیریلمیش اؤزل ساییلار دا یایینلار. یایین قورومو طرفیندن بلیرتیلن بعضی مستثنالار دیشیندا، داها اؤنجه ایران مطبوعاتیندا و یا اینترنتده یاییملانمیش اولان یازیلار یاییملانماز. درگیده تورکجه، فارسجا، اینگیلیزجه و روسجا یازیلمیش مقاله‌لر ایلگیلی دیل ادیتورلاری طرفیندن گؤزدن گئچیریلدیکدن سونرا یاییملانابیلر. یازیلار درگی‌نین ایمئیل ویا پوستا آدرسینه (دیسکت) گؤندریلمه‌‌لی‌دیر.

یازی دوزنی
یازیلارین اوزونلوغو: یازیلار ۱۰۰۰۰ سؤزجوکدن داها اوزون اولمامالی‌دیر. داها اوزون یازیلار قیسالدیلماسی اوچون یازارینا گئری گؤندریله‌جکدیر. یازیلار Word ویا هر هانسی “RTF” دوسیاسی اولاراق قبول ائدیلیر.
باشلیق صحیفه‌‌سی: هر یازی‌نین ایلک صحیفه‌سینده باشلیق، یازار ویا یازارلارین آدی، پئشه‌‌سی، آدرس و ایلتیشیم (ارتباط) نومره‌‌سی، وارسا شکیل و تابلولارین ساییسی یازیلمالی‌دیر.
آچار سؤزجوکلر: ایندکسله‌مه مقصدی ایله ۳-۱۰ آچار سؤزجوک بلیرتیلمه‌‌لی‌دیر. باشلیقدا ایشله‌دیلن آچار سؤزجوکلر بورادا دا تکرارلانمالی‌دیر.

اؤزت (خلاصه):
هر بیر مقاله‌نین اؤزتی ان چوخ بیر صحیفه‌ده وئریلمه‌‌لی‌دیر. اؤزت، مقاله‌نین دیلی و اینگیلیزجه اولاراق ایکی دیلده حاضیرلانمالی‌دیر.

متین:
یازی متنی بو بؤلوملری ایچرمه‌‌لی‌دیر: گیریش، ملزمه و متودلار، سونوجلار و تارتیشما.
تشکورلر قیسمی (وارسا) متنین سونونا اکلنمه‌‌لی‌دیر. اتک‌یازیسی (دیب‌نوت) مومکون اولدوغو قدر ایشله‌دیلمه‌مه‌‌لی‌دیر. گرکلی دوروملاردا ایسه اویغون صحیفه‌نین آلتینا یازیلمالی و آرد آردا نومره‌لندیریلمه‌‌لی‌دیر.
آلینتیلار اوزون اولورسا (۴۰ سؤزجوگون اوزرینده) گؤستریلمه‌‌لی و متینده ایچریدن یازیلمالی‌دیر. آلینتیلاردا یازار ویا یازارلارین آدی و یایین ایلی کرونولوژیک دوزن ایچینده بلیرتیلمه‌‌لی‌دیر. اوچ ویا داها چوخ یازار اولدوغو تقدیرده “و ب.” ایشله‌دین. حاضیرلانماقدا اولان بیر چالیشما [یایینلانمامیش اینجه‌له‌مه] اولاراق بلیرتیلمه‌‌لی‌دیر. ایلگیلی شخصلرله صحبته دایالی آلینتیلامالار [شخصی گؤروشمه] اولاراق گؤستریلمه‌‌لی و آد و سوی‌آدلاری بلیرتیلمه‌‌لی‌دیر. هم بونلار، هم ده یایینلانمامیش چالیشمالار قایناقلاردا وئریلمه‌‌لی‌دیر.

متین ایچینده‌کی قایناقلار:
بو شکیلده گؤستریلمه‌‌لی‌دیر: یازارین آدی و یایینین ایلی صحیفه‌ ساییلاری ایله بیرلیکده پارانتز ایچینده وئریلیر. اؤرنک: (نطقی، ۲۰۱۰: ۵۵-۵۶).

قایناقلار:
قایناقلار هر قایناغین ایلک یازاری‌نین سوی‌آدینا گؤره آلفابتیک اولاراق لیسته‌لنمه‌‌لی و آردیندان آدلاری یازیلمالی‌دیر. بیردن چوخ یازارلی قایناقلاردا بوتون یازارلار بلیرتیلمه‌‌لی‌دیر. بونلاری پارانتز ایچینده ایل، باشلیق، درگی، جیلد و تام صحیفه ساییسی تعقیب ائتمه‌‌لی‌دیر. بیر یازارین بیردن چوخ یایینی وارسا یاییملانیش تاریخینه گؤره سیرالانمالی؛ بیر یازارا عاید عینی ایلده باسیلمیش یایینلارین ایللری (۲۰۱۰الیف)، (۲۰۱۰ب) شکلینده گؤستریلمه‌لی‌دیر. درگی، تک چالیشما (مونوقرافی) و ادیسیون کیتابلار اگری یازی (ایتالیک) ایله دوزولمه‌لی‌دیر. اینترنت قایناقلاریندا مطلق تاریخ بلیرتیلمه‌لی و آدرسلری قایناقلاردا وئریلمه‌لی‌دیر.
قایناقلار یازی‌نین سونونا آشاغیداکی دوزنده لیسته‌لنمه‌لی‌دیر:

اؤرنکلر
کیتابلار: نطقی، ح. (2010). باشلانغیچ، وارلیق، یای، تهران.
سوره‌لی یایینلار (درگی وس.): حصاری، م. هـ. (2002) ایلام اؤلکه‌سی و مدنیتی حاقیندا، تهران: وارلیق، س. 127، صص. 7-5.
اینترنت: گؤکگؤز، س.س. (2005) اسماعیل قاسپرالی‌نین “مدنیت” و “میلّت” فیکری اوزرینه انتللکتوئل رتوریگی. مودرن تورکلوک آراشدیرمالاری درگیسی، جیلد 2، سایی 2، حزیران 2005، 33-19
http://mtad.humanity.ankara.edu.tr/makale.php?id=43 (06.12.2005)